Psalms 83
Kũhooya Ngai ahoote Thũ cia Isiraeli
Thaburi ya Asafu
1 aWee Ngai-rĩ, ndũgakire;tiga gũikara ũtumĩtie, Wee Mũrungu,
ndũgaikare wĩnyiitanĩirie.
2 bTa rora wone ũrĩa thũ ciaku iranegena,
acio magũthũire makambararia mĩtwe yao.
3Mathugundaga ndundu ya gũũkĩrĩra andũ aku na wara;
maciiragĩrĩra gũũkĩrĩra andũ arĩa wendete.
4 cMeranaga atĩrĩ, “Ũkai, tũmaniine matige gũtuĩka rũrĩrĩ,
nĩguo rĩĩtwa rĩa Isiraeli rĩtikanacooke kũririkanwo rĩngĩ.”
5Maciiraga marĩ na ngoro ĩmwe;
maiguithanagĩria magũũkĩrĩre:
6 dandũ a hema cia Edomu, na cia Aishumaeli,
na cia Moabi, na cia Ahagari,
7 ena cia Gebali, na cia Amoni, na cia Amaleki,
na cia Filistia, hamwe na andũ a Turo.
8 fO na Ashuri nĩmegwatanĩtie nao
nĩguo mateithĩrĩrie njiaro cia Loti.
9 gMeeke o ta ũrĩa wekire Amidiani,
na o ta ũrĩa wekire Sisera na Jabini rũũĩ-inĩ rwa Kishoni,
10o acio maaniinĩirwo Enidoru,
na magĩtuĩka ta thumu wa kũnoria tĩĩri.
11Tũma andũ ao arĩa marĩ igweta mahaane ta Orebu na Zeebu, ▼
▼Orebu na Zeebu maarĩ athamaki a Midiani, na maahootirwo ni Gideoni.
anene ao othe ũmahaananie na Zeba na Zalimuna,
12 iarĩa moigire atĩrĩ, “Nĩtwĩgwatĩrei bũrũri
wa ũrĩithio wa Ngai ũtuĩke witũ.”
13Wee Ngai wakwa, matue ta rũkũngũ rũrĩa rũgũrũkagio,
mahaane o ta mũũngũ ũmbũrĩtwo nĩ rũhuho.
14 jO ta ũrĩa mwaki ũcinaga mũtitũ
kana ta rũrĩrĩmbĩ rũgĩcina irĩma-rĩ,
15 kmaingatithie o ro ũguo na kĩhuhũkanio gĩaku,
na ũmamakie mũno na huho ciaku nene.
16Humba mothiũ mao thoni,
nĩgeetha andũ marongorie rĩĩtwa rĩaku, Wee Jehova.
17 lMarotũũra maconokete na marĩ amaku;
marokua na gĩconoko kĩnene.
18Tũma mamenye atĩ Wee, o Wee wĩtagwo Jehova,
atĩ Wee nĩwe Ũrĩa-ũrĩ-Igũrũ-Mũno, o igũrũ rĩa thĩ yothe.
Copyright information for
KikGKY